Галбингаа сургалтын төв: December 2011

Манай төв нь Монголын ирээдүй болсон бяцхан хүүхдүүдээ ардынхаа дуу хуураар дамжуулан эх орноороо бахархах, өв соёлоо дээдлэн хүндлэх, ардынхаа баялаг урын сангаас сургах зорилгоор дараах сургалтыг явуулж байна.

Хамрах хүрээ:
Сургалтанд цэцэрлэгийн 4-6 нас (анхан, дунд шат), сургуулийн 7-15 нас (анхан, дунд шат)-ны хүүхдүүд хамрагдах боломжтой.

Сургалтууд:
- Монгол ардын дуу, хүүхдийн дуу, үндэсний хөгжим хавсарсан ганцаарчилсан сургалт
- Монгол ардын дуу, хүүхдийн дуу, төгөлдөр хуур хавсарсан ганцаарчилсан сургалт
- Аман хуур, морин хуур, хөөмийн ганцаарчилсан сургалтуудыг мэргэжлийн багш нар заана.

Галбингаа сургалтын төвийн дэргэдэх хүүхдийн язгуур урлагийн ЯРУУ ЭГШИГЛЭН хамтлаг нь:
-найман хүүхдийн бүрэлдэхүүнтэй.
-2012 оны 1 сард үүсгэн байгуулагдсан.
- 2012 оны 03 сарын байдлаар: Үг П.Дэлгэржаргал, Ая МУСТА Р.Бат-Эрдэнэ ''Бид монголдоо хайртай'', Үг Т.Бямбарагчаа, Ая Д.Чулуун ''Чингисийн монголд урьж байна'', Үг Ардын уран зохиолч Б.Лхагвасүрэн Ая МУСТА Р.Бат-Эрдэнэ ''Ерөөлөөр учирсан миний монгол'', Үг Ардын уран зохиолч Д.Пүрэвдорж Ая Д.Галсанбаяр ''Чингис'' зэрэг дуунуудынхаа хоолойн бичлэгт орсон.
-Мөн Монгол ардын дуугаа өвлөн дуулцгаая-2 цомгийнхоо ажилд ороод байгаа билээ.

Бид Монголдоо хайртай

Үг П.Дэлгэржаргал
Ая Р.Бат-Эрдэнэ

Би Монгол хүүхэд
Би Монгол хүн
Би эх дэлхийнхээ цэцэгс нь
Бид эх орныхоо ирээдүй нь

Бид Монголдоо хайртай
Бяцхан хүүхдүүд
Бид эх орондоо хайртай
Монгол хүүхдүүд

Тоорцог малгай минь
Тоонот гэртэйгээ амь нэг
Томдсон дээл гутал минь
Тал нутагтайгаа амь нэг

Бид Монголдоо хайртай
Бяцхан хүүхдүүд
Бид тал нутагтай хайртай
Дээлтэй хүүхдүүд

Ардын дуу, хөөмий минь
Алтнаас ч үнэтэй
Аугаа Монгол орон минь
Аминаас минь үнэтэй

Бид Монголдоо хайртай
Бяцхан хүүхдүүд
Бид Монголын ирээдүй
Монгол хүүхдүүд

Галбингаа сургалтын төв

Friday, December 9, 2011

Хүүхдийн язгуур урлагийн Галбингаа сургалтын төвийн сургалтын явц