Showing posts with label Сургалтын төв. Show all posts
Showing posts with label Сургалтын төв. Show all posts

Wednesday, May 30, 2012

Shuud.mn 2012.05.29

 

Эмч, багш, дарга болно… гэхдээ ардын дуугаа дуулна

Хүүхдийн инээд хөөр, дуу хуур цангинасан “Галбингаа” сургалтын төвийг зорин очлоо. Биднийг очиход тус сургалтын төвөөс төрөн гарсан “Яруу эгшиглэн” хүүхдийн хамтлагийн багачууд ардын бүжгийн бэлтгэл хийж байв.

Ардын сайхан дуугаа өвлөн дуулж, томчуудын хайр хүндэтгэлийг хүлээж яваа “Яруу эгшиглэн” хамтлаг нь 5-9 насны найман гишүүнтэй, байгуулагдаад нэг жил болох гэж байгаа ажээ. Хүүхдүүд хичээлийнхээ хажуугаар тус төвд ардын дуу, бүжиг сурч үндэсний хөгжмөөр тоглож сурчээ. Тэд одоо урын сандаа 20 гаруй дуутай, анхны цомгоо гаргахаар ажиллаж байгаа гэнэ.

Тус төвийн багш С. Дэлгэрцэцэгийн хэлснээр хүүхдүүд анх ирэхдээ монгол дуу, бүжиг, үндэсний хөгжмийн талаар мэдлэг, мэдээлэл маш бага байдаг аж. Гэхдээ хүүхдүүдтэй сар шахам ажиллахад аяндаа өөрсдөө дуу хөгжимдөө дуртай болдог гэв.

-“Яруу эгшиглэн” хамтлагийн гишүүдийг танилцуулаач?
-Хамтлагийн ахлагч Энхбатын Энх-Амгалан 8 настай,  хамтлагийн гишүүд болох Баянмөнхийн Аззаяа 7 настай, Батбуяны Жавхлантөгс 6 настай, Баттулгын Ариунзул 6 настай, Мөнхбатын Амарбясгалан 6 настай, Мөнхбаатарын Уянга 5 настай, Нарандоржийн Азтүшиг 6 настай, Батмөнхийн Саруулсайхан 7 настай.

-Хүүхдүүд яг одоо ямар уран бүтээл дээр ажиллаж байна?
 -Монгол ардын 20 дуутай “Монгол ардын дуугаа өвлөн дуулцгаая-2″ цомгоо гаргахаар бэлтгэл ажилдаа ороод байна. Одоогийн байдлаар бүх дуунуудынхаа хоолойн бичлэгийг хийчихсэн байгаа.

Friday, May 11, 2012

Баяртай мэдээ

Галбингаа сургалтын төвийн бяцхан хүүхдүүд маань

-  Монгол ардын 20 дуутай "Монгол ардын дуугаа өвлөн дуулцгаая-2" цомогоо гаргахаар бэлэн болоод байна. 2012.05.11-ны байдлаар бүх дуунуудынхаа хоолойтой бичлэгт ороод дууссан ба амжвал Олон улсын хүүхдийн эрхийг хамгаалах өдрөөр цомгоо гаргахаар шуурхайлан ажиллаж байна.

- Мөн жил бүр зохиогддог олон улсын хөгжмийн Туурайн төвөргөөн наадамд уран бүтээлээрээ 6-р сард оролцохоор болсон.

-   Хүүхэд бүхний бахархал болсон  Goodboys хамтлагын 2012.06.01 нд  UB Palas-д болох тоглолтонд  "Ерөөлөөр учирсан миний монгол", "Mөрөөдлийн дуу" - аараа оролцож  бэлэг барина.

2012-05-30 нд дэлхийн олон оронд болдог  WORLD HARMONY RUN гүйлтийн Улаанбаатар хотод ирэх нэгдсэн арга хэмжээн дээр Яруу  эгшиглэн хамтлагын хүүхдүүд ая дуугаа өргөж даян дэлхийн энх тайвны төлөө үйлсэд хувь нэмрээ оруулна

Монгол эх орондоо хайртай, ардын дуугаа өвлөн дуулж байгаа бяцхан үрсийн гэгээн үйлсд өндөр амжилтыг хүсэхийн ялдамд бидэнтэй хамтран ажиллаж, дэмжихийг уриалж байна.

Баярлалаа. Бидэнтэй
холбогдох утас: 91174919.91519889.
galbingaa@yahoo.com

Saturday, October 1, 2011

"Галбингаа" язгуур урлагийн хүүхдийн сургалтын төв нээгдлээ

Сайн байна уу?
Эрхэм танд энэ өдрийн мэндийг хүргье.

Монгол ардын дууны Галбингаа нэртэй сургалтын төв нээлээ. Уг сургалтанд 3-15 насны хүүхдүүд ардын дуу, хүүхдийн дуу, үндэсний хөгжмийн ганцаарчилсан сургалтанд анхан дунд шатаар хамрагдах юм.

Зорилго:
Монголчууд бидний ирээдүй болсон хүүхэд багачуудаа ёс заншил, өв уламжлал, ардын урлагын баялаг түүхтэй танилцан түүнийгээ дээдлэн хүндэлж, дэлхий дахинд өв соёлоороо гайхагдах, эх орноороо бахархах, эх оронч сэтгэлтэй иргэн болгож төлөвшүүлэхэд оршино.

Зорилт:
Хүүхдийг өөртөө итгэх итгэл, хүнлэг чанар, бие даасан бүтээлч байдал, бусдыг хүндэтгэн харилцах, нээлттэй байх, харилцааны эв дүй эзэмшихэд нь хүүхдэд дэмжлэг үзүүлэх ба ардын ёс заншил, дуу хуурыг танин мэдэхэд тусална.

Үзэл баримтлал:
Хүүхэд бүрийг хайрлан хүндэтгэж, тэдний хүвийн онцлог, хүсэл сонирхлыг дээдлэн, бие хүн болон хөгжихөд туслан дэмжинэ.

Давуу тал:
 Багш нар
Тус төвийн багш С.Дэлгэрцэцэг нь Хүүхдийн дууны Монгол эгшиглэн хамтлагыг үүсгэн байгуулсан Монгол улсын Соёлын тэргүүний ажилтан хүүхэдтэй ажиллах эв дүйтэй багш юм.
Мөн үндэсний дуу бүжгийн Түмэн эх чуулгын хөгжимчин МУСТА Р.Бат-Эрдэнэ, хөгжимчин Даваасүрэн, Төгсжаргал зэрэг мэргэжлийн багш нартай.

Материаллаг бааз
Үндэсний хөгжмийн ятга, ёочин, лимбэ, морин хуур, товшуур хуур, хуучир, шанз зэрэг хөгжмөөс гадна мандалин , металфон, ямаха сургалтын хөгжим, систем хөгжим ,энгийн хөгжмийн зэмсэгтэй.

Сургалтын орчин
Тав тухтай тохилог орчинд мэргэжлийн багш нар таны хүүхдийн төлөө тантай хамт ганцаарчилсан сургалтг явуулна.

Монгол өв соёлоо дээдлэн ардын дуу хуураа сурах бяцхан үрсийн төлөө гэгээн хүсэл биелэх болтугай.

Wednesday, September 7, 2011

Галбингаа сургалтын төв элсэлтээ авч эхэллээ.

Манай Галбингаа сургалтын төв нь Монголын ирээдүй болсон бяцхан хүүхдүүдээ ардынхаа дуу хуураар дамжуулан эх орноороо бахархах, өв соёлоо дээдлэн хүндлэх, ардынхаа баялаг урын сангаас  сургах зорилгоор  дараах сургалтыг явуулж байна.

Сургалтанд  цэцэрлэгийн 4-6 нас (анхан, дунд шат),  сургуулийн 7-15 нас (анхан, дунд шат)-ны хүүхдүүд хамрагдах боломжтой.

БИД:
- Монгол ардын дуу,хүүхдийн дуу,үндэсний хөгжим хавсарсан ганцаарчилсан сургалт
- Монгол ардын дуу,хүүхдийн дуу, төгөлдөр хуур  хавсарсан ганцаарчилсан сургалт
- Аман хуур, морин хуур, хөөмийн ганцаарчилсан сургалтуудыг  мэргэжлийн багш нар  заана.
 
 

Хаяг: Сүхбаатар дүүрэг, 5 хороо, Хурд хороолол, Метромолл их дэлгүүрийн ард, 1-р байр, Өсвөр үеийн хөгжлийн төвийн 6 тоот.

Утас: 98620220, 91174919, 91519889

Monday, June 27, 2011

Ардын дуу, хуураа дээдэлсэн багачуудын өргөө нээгдлээ

 

Ерөөлөөр учирсан Монгол эх орныхоо төлөө бидний хийж,  бүтээж чадах зүйл хэмжээлшгүй их билээ. Эх орноо гэсэн эрхэм нандин  мэдрэмж л биднийг  аливаа бүхэнд урамшуулж, монголоо гэсэн бахархал омогшилын өндөрлөгт аваачдаг юм болов уу.

Хүүхэд бүхэн инээд хөөр, баяр жаргаланг,  хайрыг бидэнд харамгүй авчирдгийн адил бяцхан хүүхдүүдийн маань  эвлэгхэн дуулах ардын дууны аялгуу, хуурын анир томчууд бидэнд ч бас эх орныг маань уянгалаг тансаг болгон бэлэглэж хэзээ тасрашгүй Монгол амин хэлхээг мөнхөд орчлон хорвоотой холбох мэт ээ...

Ийм нэгэн Галбингаа нэртэй  ардын дуу, хуураа дээдэлсэн багачуудын өргөөг нээлээ.

Мөнх хөх тэнгэрийн дор
Миний Монголын үрс
Монгол гэдгээрээ бахархаж байх болтугай....

Tuesday, June 14, 2011

"Галбингаа" язгуур урлагийн хүүхдийн сургалтын төв нээгдлээ

Сайн байна  уу?
Эрхэм танд энэ өдрийн мэндийг хүргье.

Монгол ардын дууны Галбингаа нэртэй сургалтын төв нээлээ.  Уг сургалтанд 3-15 насны хүүхдүүд ардын дуу, хүүхдийн дуу, үндэсний хөгжмийн ганцаарчилсан сургалтанд  анхан дунд шатаар хамрагдах юм.

Зорилго:
Монголчууд бидний ирээдүй болсон хүүхэд багачуудаа ёс заншил, өв уламжлал, ардын урлагын баялаг түүхтэй танилцан түүнийгээ дээдлэн хүндэлж, дэлхий дахинд өв соёлоороо гайхагдах, эх орноороо бахархах, эх оронч сэтгэлтэй иргэн болгож төлөвшүүлэхэд оршино.

Зорилт:
Хүүхдийг өөртөө итгэх итгэл, хүнлэг чанар, бие даасан бүтээлч байдал,   бусдыг хүндэтгэн харилцах, нээлттэй байх, харилцааны эв дүй эзэмшихэд нь хүүхдэд дэмжлэг үзүүлэх ба ардын ёс заншил, дуу хуурыг танин мэдэхэд тусална.
Үзэл баримтлал:
Хүүхэд бүрийг хайрлан хүндэтгэж, тэдний хүвийн онцлог, хүсэл сонирхлыг дээдлэн, бие  хүн болон хөгжихөд туслан дэмжинэ.

Давуу тал:
Багш нар
Тус төвийн багш С.Дэлгэрцэцэг нь Хүүхдийн дууны Монгол эгшиглэн хамтлагыг үүсгэн байгуулсан Монгол улсын Соёлын тэргүүний ажилтан хүүхэдтэй ажиллах эв дүйтэй багш юм.
 Мөн  үндэсний дуу бүжгийн Түмэн эх чуулгын хөгжимчин МУСТА Р.Бат-Эрдэнэ, хөгжимчин Даваасүрэн, Төгсжаргал зэрэг мэргэжлийн багш нартай.

Материаллаг бааз
Үндэсний хөгжмийн ятга, ёочин, лимбэ, морин хуур, товшуур хуур, хуучир, шанз зэрэг хөгжмөөс гадна мандалин , металфон, ямаха сургалтын хөгжим, систем хөгжим ,энгийн хөгжмийн зэмсэгтэй.

Сургалтын орчин
Тав тухтай тохилог орчинд мэргэжлийн багш  нар таны хүүхдийн төлөө тантай хамт ганцаарчилсан сургалтг явуулна.

Монгол өв соёлоо дээдлэн ардын дуу хуураа сурах бяцхан үрсийн төлөө гэгээн  хүсэл биелэх болтугай.